तर पनि प्रेमीले फिल्मका दृश्यमा हस्तक्षेप भने गरेका छैनन् । उनले विद्याको करिअरलाई समेत प्रभाव नपरोस् भनेर लामो समय उनको निर्णयमा मुख खोलेका थिएनन् । तर आखिर प्रेमीमन न हो, कहाँ मान्थ्यो र ? उनले प्रेमिकालाई गुनासो गरे, ‘यदि त्यस्ता दृश्यलाई कम महत्त्व दिन पनि त सकिन्थ्यो होला ?’ तर फिल्मकी निर्मात्री एकता कपुरले भने उनको जिज्ञासामा असहमत हुँदै फिल्मका कुनै पनि दृश्य न्यूनीकरण नगर्ने अभिव्यक्ति दिएकी छन् । उनले स्मिताको चरित्र नै त्यस्तै रोमान्टिक भएकाले विद्याले खेल्ने चरित्रलाई हल्का बनाउन नसकिने तर्क गर्दै भनिन्, ‘यो फिल्म नै रोमान्टिक केटी स्मिताको जीवनीका बारेमा हो । तर पनि यसमा घतलाग्दा विषयवस्तु र नाटकीयता पनि छ । त्यसैले यसमा विद्याले जेजस्तो गरेकी छन्, सबै विषयवस्तु र स्मिताको चरित्रकै माग बमोजिम छन् ।’
निर्देशक मिलान लुथि्रयाले पनि त्यस खालका दृश्य खिच्नु चानचुने काम नभएको जिकिर गर्दै सबै कामप्रति इमान्दार रहेकैले सोचेजस्तो कठिनाइ नभएकोमा खुसी मानेका छन् । ‘यदि विद्यालाई उनका प्रेमीले चुम्बनका उक्त दृश्यहरूलाई कम गर्न भनेका भए हामीलाई उनको व्यक्तिगत जीवन थाहा हुने कुरा भएन । यत्ति हो, हामीले कामका लागि गरेका थियौं ।’
