झन्डै दुई दशकअघि हिन्दी फिल्म खुदागवा’ को सुटिङसँगै पर्दामा उत्रिएको मुस्ताङ पछिल्ला वर्षहरूमा देश-विदेशका फिल्म सुटिङ गर्ने आकर्षक थलो बनेको छल विमल खतिवडा
मुस्ताङस्थित ओमसोम होटलका सञ्चालक विष्णुराज हिराचनलाई बलिउडका चर्चित हस्तीहरू अमिताभ बच्चन र डेनीसँग बसेर रमाइलो गरेको अहिले जस्तै लाग्छ । होटलमा बसेर सँगै खाएको र उनीहरूसँग रमाइलो गरेको २२ वर्ष बितिसक्दा पनि उनको दिमागमा त्यो समयको घटनाक्रम स्मरणमा ताजै छ ।पहिलोपटक २०४५ सालमा अफगानिस्तानको जस्तो मरुभूमिको दृश्य खिच्न 'खुदागवा' फिल्मको युनिट मुस्ताङ आएको समयमा उनकै होटलमा महिना दिनसम्म बसेको थियो । त्यही समयमा उनको परिचय अमिताभ र डेनिसँग हुन पुग्यो । एक महिनासम्म तीनजनाको दौँतरी राम्रै जम्यो । मुकुल आनन्दद्वारा निर्देर्शित चलचित्रका नायक अमिताभ र खलनायक डेनी भएकाले दुवै स्टार मुस्ताङ आएका थिए । एक महिनासम्म मुस्ताङको हावापानीमा रम्दै फिल्म सुटिङमा व्यस्त बनेका दुवैले स्थानीय संस्कृति र खानाको स्वाद लिएको हिराचन अहिले पनि सम्भिmन्छन् । 'उनीहरु दिनभरि फिल्म सुटिङमा रमाउंँथे,' हिराचनले सम्झे, 'बेलुका भएपछि सुटिङ स्थलका स्थानीयसँग बसेर गफगाफ गरी थकान मेटाउँथे ।''खुदागवा' को टोली मुस्ताङमा मितेरी साइनो गांँसेर बिदाइ भएको केही समय नबित्दै स्वरकी धनी आशा भोस्लेद्वारा स्वरबद्ध 'पर्देमा रहने दो...'.बोलको गीतको भिडियो छायांकन गर्न म्युजिक भिडियोको टोली मुस्ताङ आयो । भिडियोमा मुस्ताङका विभिन्न्ा स्थानका दृश्य कैद गरी टोली मुम्बई प्रस्थान गरेको थियो ।
हिन्दी फिल्म र गीतको छायांकनसँगै नेपाली चलचित्रका निर्देशक र निर्मातालाई मुस्ताङमा सुटिङका लागि बाटो खुलेजस्तै भयो । त्यसयता कुनै पनि चलचित्रको मुस्ताङमा सुटिङ सकेको थियो । अचेल महिना दिनमै पांँचवटासम्म फिल्म, भिडियो, टेलिफिल्म सुटिङ गर्न सुटिङ युनिट मुस्ताङ पुग्ने गरेको छ ।
नेपालीमा भने प्रदीप उपाध्यायद्वारा निर्देशित चलचित्र 'झुमा' पहिलोपटक मुस्ताङको मुक्तिनाथ मन्दिरमा छायांकन गरिएको थियो । त्यसपछि 'शिखर', 'कर्मा', 'पापी', 'ताल', 'कागबेनी', 'च्यालेन्ज', 'कोही मेरो' लगायत दर्जनौं चलचित्र मुस्ताङमा छायांकन भइसकेका छन् । हरिवंश र मदनकृष्णद्वारा ०४९ सालमा निर्माण गरिएको हास्य टेलिफिल्म 'लालपुर्जा' को आधा भाग मुस्ताङमै सुटिङ गरिएको थियो ।
'काठमाडौंका दृश्यलाई बारम्बार दोहोर्याउँंदा दर्शक वाक्क बन्छन,' 'लालपुर्जा' का निर्देशक मदनकृष्ण श्रेष्ठले भने, 'एउटै दृश्य हेर्दा हेर्दा आजित दर्शकलाई नयांँपन दिन मुस्ताङमा सुटिङ गरेका थियौं ।' उनका अनुसार टेलिसिरियल 'लालपुर्जा' प्रसारणमा आएपछि धेरैले मुस्ताङलाई सुटिङको प्रमुख थलो बनाउन थाले । 'लालपुर्जा'मा मुस्ताङका मनमोहक दृश्यलाई कैद गरी प्रसारण गरिएकाले विदेशी चलचित्रकर्मीको ध्यान मुस्ताङ केन्दि्रत बनेको श्रेष्ठले दाबी गरे । महजोडी पुनः मुस्ताङमा राम्रो टेलिफिल्म सुटिङ गर्ने सोच बनाउँछन् ।
चर्चित रक सांगीतिक ब्यान्ड नेपथ्यले चर्चित गीत 'जोमसोमै बजारमा...' को म्युजिक भिडियो छायांकन गरी सांगीतिक क्षेत्रमा पनि मुस्ताङका सौन्दर्यता उतार्न सकिन्छ भन्ने सावित गरायो । त्यसपछि त मुस्ताङमा म्युजिक भिडियो छायांकन
गर्नेको ताँती नै लाग्ने गरेको छ । काठमाडौंबाट आधुनिक गीतदेखि लिएर दोहोरी गीतको सुटिङका लागि निर्माता निर्देशकले टोली मुस्ताङलाई आउने क्रम बढेको हिराचन बताउँछन् ।
नेपाली मात्रै हैन, अहिले मुस्ताङमा चिनिया, फे्रन्च, स्पानिस, इटालियन फिल्म र भिडियो छायांकन गर्नेको दैनिकजसो
लर्को लाग्ने गरेको छ । 'मुस्ताङका दृश्य क्यामेरामा जति कैद गर्यो उति कैद गरौंगरौं लाग्छन्,' केहीअघि मात्रै प्रदर्शनमा आएको नेपाली चलचित्र 'कोही मेरो'
निर्माता सुरज वंशलले भने, 'त्यही
भएर मैले पनि फिल्मका दुईओटा गीत र कथाका केही दृश्यलाई मुस्ताङको सौन्दर्यतामा मिसाएँ ।'
मुस्ताङजस्तै रमणीय स्थान अन्यत्र नभएकाले चलचित्र सुटिङका लागि उपयुक्त ठाउंँ बनेको वंशलको ठम्याइ छ ।
'यहाँ फिल्म सुटिङका लागि जस्तो दृश्य चाहिन्छ, त्यस्तै पाइन्छ' अन्नपूर्ण संरक्षण कोष -एक्याप) का संरक्षण अधिकृत सन्तोष शेरचनले भने, 'त्यही भएर पनि मुस्ताङमा चलचित्र छायांकन गर्न स्वदेशी र विदेशी सिनेकर्मीको ओइरो लागेको होला ।'
उनका अनुसार छायांकारले मरुभूमि, स्याउका फूल, ताल, हिमशंृखला, मुक्तिनाथ, कागबेनी, जोमसोम, मार्फा, टुकेचेलगायत सुन्दर स्थानलाई क्यामेरामा कैद गर्छन् । 'च्यालेन्ज'को सुटिङका क्रममा मुस्ताङ आएकी नायिका रेखा थापालाई पनि मुस्ताङका दृश्यले लोभ्यायो । उनी केही दिनमै चलचित्र 'अन्दाज'को छायांकनका लागि नायक जीवन लुइर्ँटेल र नवनायक सविन श्रेष्ठलाई लिएर मुस्ताङ जाँदै छिन् ।
'मुस्ताङमा धेरै चलचित्र छायांकन गरिए पनि वास्तविक दृश्य अझै क्यामेरामा कैद हुन सकेका छैन,' उनले भनिन्, 'त्यही भएर नयाँ दृश्य मेरो चलचित्रमा राखेर
दर्शकलाई मुस्ताङमा लुकेका सौन्दर्यता देखाउनेछु ।'
नम्बरको खेलमा पटक्कै विश्वास नगर्ने अभिनेता आमिर खान फेसबुकमा पहिलो नम्बरका स्टारको रुपमा उभिएका छन्। आमिरको फेसबुक पेजमा २९ लाख प्रशंसक देखिएका छन्। उनी पछाडि अभिनेता सलमान खानको पेजमा २३ लाख प्रशंसक देखिन्छन्। तेस्रो स्थानमा अभिनेत्री प्रियंका चोपडा छिन् भने चौथो र पाँचौं स्थानमा क्रमशः अभिनेताद्वय रणवीर कपुर र शाहरुख खान छन्।
अलकायदा नेता ओसामा बीन लादेनबारे भए/ नभएको घटना सार्वजनिक हुने क्रम अझै रोकिएको छैन ।
नाइजेरियाली ८७ वर्षिय वृद्धा बेल्लो मसाबाले अहिलेसम्म एक सय सात विवाह गरेका छन् । तीमध्ये ८६ श्रीमती उनीसँगै छन् । सबै श्रीमतीबाट गरेर जन्मेका एक सय ८५ सन्तानमध्ये एक सय ३३ जीवित छन् । अहिले पनि उनको बिहेमोह मरेको छैन । कसैले बिहेको प्रस्ताव ल्याए मसाबा इन्कार गर्दैनन् । उनकी कान्छी पत्नीको उमेर १९ वर्ष छ । यो उनको उमेरभन्दा ६४ वर्षले कम हो । १२ वटी श्रीमतीलाई उनी आफैँले तलाक दिएर छाडेका हुन् । उनका कान्छो बच्चा भर्खर एक महिनाको भयो । सबै एउटै परिवारमा मिलेर बसेका छन् । मसाबा बालबालिकाबारे बोल्न त्यति रुचाउँदैनन् । चारतले घरको ८९ कोठामा बस्दै आएका उनलाई न ठूलो परिवार भएकोमा चिन्ता छ, न सबैको पालनपोषण गर्न नै दिक्क छ । उनले झारफुक गरेर परिवार पालेका छन् । भन्छन्, ‘झारफुकको कमाइ राम्रै छ । कुरानले चारवटीसम्म श्रीमती राख्न छुट दिएको छ । उनले यो मान्यता तोडेकाले नाइजेरिया सरकार र समाजले उनलाई राम्रो दृष्टिले हेर्दैन । तीन वर्षअघि मसाबालाई प्रहरीले गिरफ्तार गरेको थियो । तर, उनका सबै श्रीमती सरकारका विरुद्धमा प्रदर्शनमा उत्रिए । अदालतसमक्ष सबै श्रीमतीहरूले आफूहरू राजीखुसी भएको बताएका छन् । स्कुलपछि मसबाले २१ वर्षसम्म सामान्य कपडाको व्यापार गरे । त्यतिबेला उनका दुइटा मात्र श्रीमती थिए । दुबै बिमारी भए । जति नै उपचार गर्दा पनि निको भएन । त्यसपछि उनी आफैँ झारफुकतिर लागे । सन् १९८० को दशकमा भगवान्को आज्ञा भन्दै उनले विवाह गर्न थाले वर्षमा पाँचका दरले ।
रिलमा क्यामेस्ट्री खुब मल्छ भनेर नजिकका साथीभाइ र फिल्म पत्रकारले के फुर्क्याएका थिए, पहिलो श्रीमान आकाश शाहसँग डिभोर्स गरेर बसेकी नायिका सञ्चिताको मनमा विवाहित नायक निखिल उप्रेतीप्रति प्रेम टुसाउन थालिसकेछ।केही फिल्ममा सँगै काम गरेपछि भने यो रिलको जोडी रियल जोडी बन्यो। फिल्मको कथाजस्तै विवाहलाई पनि सक्दो रहस्यमै राख्ने योजनाअनुसार उनीहरु भारतीय उद्योगलाई कर्मथलो बनाउने बहानामा मुम्बई पसे। तर, सत्यलाई कतिन्जेल लुकाउन सकिन्थ्यो र? सञ्चिता गर्भवती भएपछि उनीहरुको योजना असफल भयो।बल्लबल्ल पाएको बुटिकको जागिर पनि सञ्चिताले गर्न नसक्ने र निखिलले जति धाए पनि फिल्म नपाएपछि छ महिनाजितको मुम्बई बसाइलाई अन्त गर्दै दुवै नेपाल फर्किए। अनि स्वीकारे, 'हामीले विवाह गरेको सत्य हो।'हाल निखिलको पुर्ख्यौली घरमा रहेकी सञ्चिताको पेटमा जुम्ल्याहा बच्चा रहेको खुल्न आएको छ। स्रोतका अनुसार नियमित स्वास्थ्य जाँचका क्रममा नायिका सञ्चिताको पेटमा दुई बच्चा रहेको
भ्रस्टाचारविरुद्ध अनसन सुरु गरेपछि विवादित बनेका योग गुरु रामदेवले ११ हजार जनाको सशस्त्र फौज निर्माण गर्ने घोषणा गरेका छन्। ४० वर्षमुनिका पुरुष-महिला रहने संगठनका सदस्यलाई हतियार चलाउने तालिम दिइने उनले बताएका छन्। आवश्यक परे ११ लाखको फौजी संगठन तयार पार्ने उनको भनाइ थियो। सशस्त्र संगठन निर्माणको निर्णय गर्ने योग गुरुले आफू हिंसाको पक्षधर भने नरहेको स्पष्टोक्ति दिए। हरिद्वारमा अनसन जारी राखेका योग गुरुले भारतको केन्द्र सरकारलाई चुनौती दिँदै भने-सरकारले एकजना रामदेवलाई हिरासतम लियो, तर यस्ता कैयौं रामदेव छन् सरकार कस कसलाई गिरफ्तार गर्छ। उनले भ्रष्टाचारविरोधी लडाइ जारी रहने बताए।
अघिल्लो दिनको तुलनामा शनिबार व्यापार खस्के पनि सलमान खानको ‘रेडी' बलिउडकै दोस्रो सर्वाधिक ठूलो ‘ओपनिङ' गर्ने फिल्म बनेको छ।
